დახმარება:თარგები
თარგები საქმეს გვიმარტივებენ!
სხვაგან მათთვის შეიძლება „შაბლონი“ ან „template“ ეწოდებინათ, მაგრამ ჩვენ გადავწყვიტეთ ქართული შესატყვისი მოგვეძებნა და თარგი დავარქვით! 
ალბათ შეამჩნევდი, რომ ვიქსიკონში სტატიებს ერთგვაროვანი აგებულება აქვს: გარკვეული ელემენტები ბევრ სტატიაში უცვლელად მეორდება, ბევრი რამ კი – ცვლადია. მაგალითად, ქართულ არსებით სახელებს ყოველთვის მითითებული აქვს ნათესაობითისა და მრავლობითის ფორმები, იქვეა ღილაკი „ბრუნება სრულად“, რომელზე დაწკაპუნებითაც მკითხველი ბრუნების სრულ დაფას იხილავს. მაგალითად:
| ➤ ხელ-ი, ხელ-ის(ა), მრავლობითი: ხელ-ებ-ი, ხელ-ნ-ი | ||||||||||||||||||||||||||||||||||
| ||||||||||||||||||||||||||||||||||
ასეთ ჩანაწერს მარტივი ვიკი-ფორმატირების ცოდნით ვერ შევქმნით, საჭიროა HTML-ის (პროგრამირების ენის) კოდების ცოდნა... არადა ასეთი ჩანაწერი ბევრ სტატიაში გვჭირდება. ამიტომ საქმის გასამარტივებლად, ხშირად გამეორებადი ელემენტების ტექსტები და კოდები ყოველ ჯერზე ხელახლა რომ არ ვწეროთ, ვიყენებთ თარგებს. თარგების გამოყენებისას ჩვენ მხოლოდ ცვლადის მითითება გვჭირდება.
თუ დავაკვირდებით ზემოთ მოცემულ ჩანაწერს, მივხვდებით, რომ იგი ქართული არსებითი სახელის შესახებ ყველა სტატიაში განმეორდება, ცვლადი კი მხოლოდ შესაბამისი არსებითი სახელის ფუძე იქნება. ვიქსიკონში უკვე შექმნილია თარგი, რომელსაც ჰქვია „ქართული არსებითი სახელი თანხმოვანფუძიანი“.
თარგის გამოსაყენებლად მისი სახელის წინ დავსვათ ორი მარცხენა ფიგურული ფრჩხილი {{, შემდეგ დავწეროთ თარგის სახელი, შემდეგ მართობული გამყოფი ხაზი |, შემდეგ მივუთითებთ ცვლადს და ისევ ორი ფიგურული ფრჩხილით დავაბოლოვებთ }}.
მაგალითად, ზემოთ მოცემული ჩანაწერი ასეთი ვიკი-ტექსტით იწერება:
{{ქართული არსებითი სახელი თანხმოვანფუძიანი|ხელ}}
ზოგიერთ თარგს შესაძლოა ორი, სამი და მეტი ცვლადის მითითებაც სჭირდებოდეს გამართული ფუნქციონირებისათვის. მაგალითად, ქართულ კუმშვად არსებით სახელებს სრულყოფილი ბრუნების დაფის საწარმოებლად ორი ცვლადის მითითება სჭირდება: ფუძე და შეკუმშული ფუძე.
მაგალითი:
{{ქართული არსებითი სახელი კუმშვადი|მეზობელ|მეზობლ}}
ეს ვიკი-ტექსტი მოგვცემს ასეთ შედეგს:
| ➤ მეზობელ-ი, მეზობლ-ის(ა), მრავლობითი: მეზობლ-ებ-ი, მეზობელ-ნ-ი |
არ იფიქრო, რომ თარგები მხოლოდ ბრუნებისთვის გვჭირდება! უამრავი თარგი გვაქვს და ისინი აქ, საგანგებო გვერდზეა აღნუსხული. თითოეულ თარგს თავისი აღწერის გვერდი აქვს, სადაც მისი გამოყენების ინსტრუქციაა მოცემული (მაგალითად, იხ. თარგი:ქართული არსებითი სახელი თანხმოვანფუძიანი).
შევუდგეთ მუშაობას!